Manchester City, të mërkurën ka konfirmuar transferimin e mesfushorit Tijani Reijnders.
26-vjeçari është prezantuar te skuadra angleze, me të cilën ka firmosur kontratë deri në verën e vitit 2030.
Reijnders iu bashkua Cityt nga Milani, ekip që përfitoi 50 milionë euro nga shitja e tij.
Ai ishte pjesë e Milanit në dy sezonet e fundit, kurse u shpall mesfushori më i mirë për sezonin 2024/25 në Serie A.
Reijnders bëhet transferimi i katërt i Cityt në këtë afat kalimtar të verës, pasi më herët ka transferuar edhe Rayan Ait-Nourin, Marcus Bettinellin e Rayan Cherkin.
Reijnders ka firmosur me kohë që të jetë pjesë e Cityt për Botërorin e klubeve, turne që nis këtë vikend.
