Chelsea ka lëvizur për të afruar Liam Delap në skuadër.
22-vjeçari anglez spikati këtë sezon me Ipswich duke shënuar 12 gola në Premier League.
Kështu Enzo Mareska e kërkon si alternativë për qendrën e sulmit.
Rreth 30 milionë euro pritet t’i afrohen Ipsuiçit, që e bleu për 18 milionë euro nga Mançester Siti. Ofertë kjo që paraqitet e parefuzueshme për klubin që ra nga kategoria.
Kjo lëvizje ndërkohë ndikon edhe te Armando Broja.
Sulmuesi i Kombëtares u rikthye nga huazimi tek Evertoni.
Duke qenë se hapësirat po mbyllen edhe më tepër, londinezët vështirë ta mbajnë në skuadër. Për këtë duhen pritur zhvillimet e ditëve në vazhdim.
