Në mbrëmje, do të mbyllet edicioni i parë i Botërorit të klubeve, me ndeshjen finale që do të luhet në New Jersey.
Ky turne i organizuar nga FIFA, po mbahet në SHBA kurse për titullin e kampionit do të luftojnë dy skuadra nga Evropa.
Chelsea – Paris Saint-Germain, është finalja e këtij turne, e cila nis në orën 21:00 dhe luhet në “MetLife Stadium”.
Të dyja skuadrat kanë treguar formë të mirë në këtë turne, pasi e kanë regjistruar vetëm nga një humbje dhe tani synojnë të shpallen kampione të botës.
Për dallim prej Chelseat, skuadra e Parisit rrugën deri në finale e ka pasur më të vështirë pasi ka eliminuar Bayern Munchenin dhe Real Madridin për të siguruar përballjen me Chelsean.
Megjithatë, edhe Chelsea ka një skuadër kompakte dhe kërkon trofeun e radhës pas triumfit në Ligën e Konferencë.
Në anën tjetër, PSG po synon ta mbyll një vit të jashtëzakonshëm pasi tashmë ka fituar titullin, kupën e Francës, si dhe Ligën e Kampionëve.
