Ish-ambasadori i Shqipërisë në Kosovë, Arben Çejku ka thënë se kryeministri i Kosovës, Albin Kurti nuk do ta zbatojë marrëveshjen për Asociacionin e komunave me shumicë serbe.
Çejku në emisionin “Ditari” në Tëvë1, tha se Kurti po mundohet të fitojë kohë por që sipas tij, presioni i faktorit ndërkombëtarë për këtë çështje do të vazhdojë të rritet.
“Kurti po kalkulon dhe po përpiqet të fitojë kohë sa më shumë. Nuk besoj se është një strategji e tij për t’u bërë tashmë djali që ka pësuar nga gabimet, përkundrazi unë mendoj që ai po përpiqet të fitojë kohë dhe po përpiqet të rikuperojë sa më shumë pozitën e tij të brendshme pas këtij skandali të përgjimeve. Dhe nuk besoj që zoti Kurti është ai që do ta zbatojë marrëveshjen për Zajednicën, ai do të bëjë çdo përpjekje për ta shmangur, ndërkohë që faktori ndërkombëtarë do të vazhdojë presionin mbi Kosovën”, deklaroi ai.
Teksa tha “se çfarë ardhmërie do ketë kjo çështja në raport me Bashkimin Evropian, me Shtetet e Bashkuara të Amerikës, dhe me Serbinë nuk mund ta them sot, ndërkohë që dialogu mes dy vendeve është i hapur dhe ka shumë mundësi të tjera për ta shfrytëzuar këtë dialog”./teve1.info./
