Aleksander Ceferin i ka thumbuar përsëri klubet e Superligës Evropiane duke thënë se UEFA duhet ‘të mbrojë interesat e përgjithshme dhe jo interesat e një pakice’.
Juventusi, Real Madridi dhe Barcelona janë klubet e vetme që janë ende zyrtarisht të përfshirë në garën e shkëputur evropiane që u zbulua një vit më parë, por u rrëzua brenda 48 orëve.
Megjithatë, i pari i UEFA-s, Ceferin është përkujdesur t’i thumboj përsëri tri klubet e mëdha evropiane në lidhje me idenë e tyre.
“UEFA dëgjon shumicën e klubeve, mbështetësve dhe trajnerëve dhe vendos një herë e përgjithmonë një vijë nën nocionin e kualifikimit për garat e UEFA-s në bazë të koeficientëve”, ka thënë fillimisht Ceferin në fjalimin e tij sot në Vjenë para delegatëve nga 55 federatave anëtare të UEFA-s.
“Si një organ qeverisës me detyrën dhe përgjegjësinë për të mbrojtur interesin e përgjithshëm dhe jo interesat e një pakice, ne kemi vendosur, së bashku me ECA dhe klubet, t’u qëndrojmë besnikë parimeve tona të meritës sportive … dhe qëllimit mbi fitimin”.
“Në fatkeqësi, ne qëndruam të fortë. Së bashku gjetëm zgjidhjet që na duheshin. Kur qëndrojmë së bashku, jemi të pamposhtur dhe shoqëria fiton gjithashtu”, përfundoi i pari i UEFA-s.
