Ky, shkruan deputetja Bytyqi është skandal i madh diplomatik i cili dëmton rëndë diplomacinë e jashtme të Kosovës. “Është tejet shqetësuese që një kryeministër i vendit sikurse edhe presidentja të mbrojnë publikisht z. Berishaj kur dorëheqja e këtij të fundit është e pakontestueshme”, ka shkruar ajo.
Postimi i saj i plotë:
Skandali diplomatik i Qeverisë
Qeveria e Albin Kurtit po dëshmon secilën ditë që kauzat e saj janë të rrejshme. Rasti i ambasadorit Martin Berishaj, që dyshohet të jetë i përfshirë në shitblerjen e energjisë elektrike përmes kompanisë serbe, është skandal i madh diplomatik. Dëmton rëndë imazhin në diplomacinë e jashtme të Kosovës.
Është tejet shqetësuese që një kryeministër i vendit sikurse edhe presidentja të mbrojnë publikisht z. Berishaj kur dorëheqja e këtij të fundit është e pakontestueshme. Rasti i ambasadorit Berishaj është jashtëzakonisht më shumë se një përgjegjësi individuale. Është skandal i përmasave më të mëdha, që kërkon llogaridhënien.
Kurti i cili ka ‘’ngritur’’ standarde tejet të larta mbi qeverisjen e pastër dhe ka bërë demagogji para popullit, duhet të bart peshën e veprimeve të tij.
