Deputetja e AAK-së, Albana Bytyqi, e ka quajtur ditë të veçantë liberalizimin e vizave për qytetarët e Kosovës.
Ajo ka thënë se kjo është një fitore e madhe, e cila do t’i hapë dyert për mundësi të reja, për njohje kulturore dhe për të ndërtuar marrëdhënie të reja miqësore me komunitete tjera.
“Qytetarët e Kosovës nga janari i 2024 mund të udhëtojnë lirshëm në Evropë pa viza! Kjo është një fitore e madhe për të gjithë ne, e cila do na hapë dyert për mundësi të reja, për njohje kulturore dhe për të ndërtuar marrëdhënie të reja miqësore me komunitetet tjera!”, ka shkruar deputetja në një postim në Facebook.
Tutje ajo ka thënë se të shkohet përpara me guxim dhe besim.
“Le të shkojmë përpara me guxim dhe besim, dhe t’i shfrytëzojmë këto mundësi të reja në këtë kapitull të ri të historisë sonë!”, ka shkruar Bytyqi. /teve1.info/
