Club Brugge ka refuzuar ofertën finale dhe të përmirësuar të Milanit për Ardon Jasharin, duke insistuar se nuk mjaftojnë 33.5 milionë euro plus bonuse për kartonin e tij.
Mediumet belge kanë raportuar të hënën se Brugge ka kthyer prapa ofertën e Milanit, për të cilën drejtori sportiv, Igli Tare ka paralajmëruar se nuk do të ofrojnë më shumë për 23-vjeçarin.
Oferta e fundit e Milanit ishte më e lartë për një milionë euro, duke shkuar në 38 milionë euro derisa klubi belg po insiston në 40 milionë euro për ta lënë të lirë Jasharin.
Bazuar në këtë situatë, asgjë nuk ka ndryshuar nga java e shkuar në lidhje me Jasharin dhe mbetet të shihet se si do të veprojnë drejtuesit e Milanit.
Vet Jashari ka marrëveshje personale me Milanin dhe përpiqet ta bind Bruggen që ta pranojë ofertën e ekipit nga Serie A, por deri më tani nuk ka pasur sukses.
Jashari ka kontratë me Bruggen deri në vitin 2029, ndërsa ka refuzuar ofertat e ekipeve nga Premier League vetëm për t’iu bashkuar Milanit.
