Real Betisi dhe Chelsea do të përballen sonte kokë më kokë në finalen e Ligës së Konferencës, e cila do të zhvillohet në stadiumin “Miejski” të Polonisë.
Të dy ekipet synojnë të fitojnë trofeun evropian dhe ta shtojnë atë në kabinetin e tyre.
Skuadra e Manuel Pellegrinit arriti deri në këtë fazë pas një fitoreje dramatike ndaj Fiorentinës në gjysmëfinale, ndërsa sezonin në La Liga e mbylli me barazim 1:1 ndaj Valencias, rezultat që i siguroi vendin e gjashtë në renditjen përfundimtare.
Ndërkohë, Chelsea i drejtuar nga Enzo Maresca e kaloi me lehtësi skuadrën suedeze Djurgarden në gjysmëfinale dhe sezonin në Premier League e përfundoi me një fitore minimale 1:0 ndaj Nottingham Forest, që i garantoi vendin e katërt dhe pjesëmarrjen në Ligën e Kampionëve sezonin e ardhshëm.
Betisi do të përballet me mungesa të rëndësishme për këtë finale.
Ish-mbrojtësi i Arsenalit, Hector Bellerin, pritet të mungojë për shkak të një lëndimi të pësuar në gjysmëfinale. Po ashtu, Diego Llorente, Marc Roca dhe Chimy Avila nuk do të jenë të gatshëm, ndërsa Giovanni Lo Celso mbetet në dyshim pas mungesës në stërvitjet e fundit.
Në anën tjetër, Chelsea pritet ta ketë skuadrën e kompletuar për finalen.
Chelsea ka fituar gjithsej 8 tituj evropianë, duke përfshirë të gjitha kompeticionet kryesore të UEFA-s, ndërsa Betisi nuk e ka asnjë trofe evropian.
Finalja mes Real Betisit dhe Chelseat do të luhet sonte, me fillim nga ora 21:00, dhe mund ta ndiqni drejtëpërdrejtë në platformën “Telkos”.
