Real Betis është tërhequr nga procesi i ofertave për Antony, pasi nuk mund të përballojë çmimin e kërkuar nga Manchester United.
Klubi anglez ka vendosur ta shesë anësorin brazilian këtë verë dhe ka vendosur një çmim prej 58 milionë eurosh për kartonin e tij.
Ardhja e trajnerit Ruben Amorim te Manchester United ka qenë vendimtare për futjen e Antonyt në listën e lojtarëve të largueshëm.
Ky vendim ka eliminuar çdo mundësi që Betisi të negociojë për një huazim tjetër, për shkak të kufizimeve financiare të klubit spanjoll.
Antony, 25 vjeç, pati një periudhë të shkëlqyer huazimi te Betis sezonin e kaluar, duke shënuar nëntë gola dhe dhënë pesë asistime në 26 ndeshje.
Pavarësisht dëshirës së Betisit për ta mbajtur lojtarin, klube si Newcastle, Brighton, Bayer Leverkusen dhe RB Leipzig janë tashmë favoritë për nënshkrimin e tij.
Për Manchester United, largimi i brazilianit do të hapte rrugë për transferime të reja dhe do të ulte barrën financiare, ndërsa vetë Antony është i hapur për një sfidë të re në një klub ku mund të luajë rregullisht.
