Besa Famgas nga Peja ka shënuar fitore me rezultat 30:27 ndaj Kastriotit të Ferizajt, në ndeshjen e parë të gjysmëfinales së Play-Off-it të Superligës së Kosovës në hendboll.
Ndeshja është zhvilluar në palestrën e sportit “Karagaçi” në Pejë.
Fituesi i Kupës së Kosovës, Kastrioti, ka barazuar rezultatin (16:16) në minutën e 35-të.
Pas këtij barazimi pejanët këndellen dhe shtojnë epërsinë në tre gola (20:17) në minutën e 39-të.
Në minutën e 52-të, Besa shkëputet në epërsi me 5 gola (26:21) dhe për të fituar përballjen me rezultat 30:27.
Besa Famgas udhëheq në seri të fitoreve me rezultat 1:0.
Ndeshja e dytë luhet në Ferizaj gjatë të shtunës (19.00) në palestrën e sportit “Bill Clinton” në Ferizaj.
