Kolumbiani Luis Diaz karrierën do ta vazhdoj te Bayern Muncheni, ekip që do ti paguajë 75 milionë euro Liverpoolit për kartonin e tij.
Bëhet e ditur se marrëveshja mes klubeve është arritur dhe sulmuesi i krahut, ka marrë lejen nga Liverpooli për të shkuar në Gjermani që ti nënshtrohet kontrollimeve mjekësore para se të prezantohet te Bayerni.
Diaz 28-vjeçar ishte i vendosur ti bashkohet Bayernit, ndërsa Liverpooli paratë nga shitja e tij do ti shfrytëzojë për blerjen e sulmuesit Alexander Isak nga Newcastle që po kërkon mbi 100 milionë euro për suedezin.
Diaz me Bayernin do të firmos kontratë katërvjeçare dhe do të ketë pagë vjetore prej 14 milionë eurosh, ndërsa largohet nga Liverpooli pas më shumë se tre vjetësh.
