Mesfushori i Interit, Nicolò Barella pranon se ky sezon është më i vështirë se ai i kaluari, por siguron që “Nerazzurrët” do të përpiqen të fitojnë Scudetton deri në fund.
Italiani u emërua në Top 11-shën e Serie A nga AIC, shoqata italiane e futbollistëve.
“Është kënaqësi të marr këtë çmim për herë të tretë. Falënderoj shokët e mi të skuadrës sepse do të ishte e pamundur të arrihen këto objektiva pa ta”, tha italiani.
“Kam fituar Kampionatin Evropian verën e kaluar dhe është diçka që më bën edhe më të lumtur”.
“Objektivat e radhës janë të kualifikohemi në Kupën e Botës dhe të luajmë deri në fund për të fituar Scudetton. Ky sezon është më i vështirë. Ka më shumë ekipe, por ne jemi Interi dhe duhet të përpiqemi deri në fund”.
Interi ka bërë shumë gabime në javët e fundit në kampionat duke lëshuar shumë pikë rrugës duke mbetur gjashtë pikë prapa Milanit edhe pse ka një ndeshje më pak të zhvilluar.
