Oklahoma ka arritur një fitore të rëndësishme ndaj Indianës me rezultatin 123:107, duke barazuar serinë finale të NBA-së në 1:1.
Pas humbjes në ndeshjen hapëse në shtëpi, Thunder nuk kishin hapësirë për gabime dhe reaguan fuqishëm në ndeshjen e dytë.
Protagonist i padiskutueshëm ishte Shai Gilgeous-Alexander, i cili shkëlqeu me 34 pikë dhe kaloi pragun e 3,000 pikëve sezonale, duke udhëhequr ekipin drejt fitores.
Një seri dominuese prej 19:2 në çerekun e dytë i dha fund rezistencës së Pacers dhe vendosi rrjedhën e lojës në favor të vendasve.
Një pikë tjetër e fortë e Oklahomës ishte dhe banka, u ata realizuan 48 pikë në total.
Kontribut nga stoli dha Alex Caruso me 20 pikë, ndërsa edhe Jalen Williams i shtoi 19 dhe Aaron Wiggins e mbylli me 18 sosh.
Indiana pati vështirësi përballë mbrojtjes agresive të Oklahomës dhe nuk arriti të imponojë ritëm.
Tyrese Haliburton ishte më i miri për mysafirët me vetëm 17 pikë, por që nuk ishin të mjaftueshme për fitore.
Ndeshja e tretë e serisë zhvillohet të mërkurën në Indianapolis, duke shënuar herën e parë pas 25 vitesh që ky qytet mirëpret finalet e NBA-së.
