Omer Bunjaku i ka dhënë fund aventurës së tij me Ballkanin e Suharekës, skuadër në të cilën e ka kryer punën e drejtorit sportiv.
Ballkani me anë të një postimi ka njoftuar se së bashku me Bunjakun kanë vendosur që të mos e vazhdojnë bashkëpunimin pas skadimit të kontratës.
Po ashtu, Ballkani ka falënderuar Bunjakun për punën dhe kontributin e dhënë gjatë kohës sa ishte drejtor sportiv, si dhe i ka dëshiruar suksese në vazhdim të karrierës.
Bunjaku për dy sezone ishte drejtor sportiv te Ballkani dhe në këtë post e kishte zëvendësuar Nderim Nexhipin.
Pas largimit të Bunjakut, Ballkani pritet ta rikthejë Nexhipin në postin e drejtorit sportiv pasi aktualisht është pa angazhim.
Ballkani sezonin 2024/25 e mbylli si nënkampion i Kosovës, duke i dhënë fund dominimit trevjeçar që e kishte në Superligën e Kosovës, ku doli kampion.
