Sulmuesi i Kombëtares së Kosovës, Fisnik Asllani ka gjasa të mëdha të largohet nga skuadra e Hoffenheimit këtë verë.
Mësohet se Asllani tashmë ka oferta dhe ka njoftuar Hoffenheimin se nëse nuk integrohet në ekip, atëherë dëshiron të largohet dhe jo të huazohet.
Sezonin e fundit, Asllani ishte i huazuar te Elversbergu ku shkëlqeu me 18 gola dhe 8 asistime në Bundesligën 2.
22-vjeçari është kthyer tek Hoffenheimi, ekip me të cilin ka kontratë edhe një vjet kurse tashmë ka tërhequr vëmendjen e Werder Bremenit, Borussia Monchengladbachut, Freiburgut e Stuttgartit.
