Policia e Kosovës ka njoftuar se në Prizren është arrestuar një person i kërkuar, i cili ishte dënuar me një vit burg efektiv për veprën penale “vjedhje e rëndë në tentativë”.
Sipas njoftimit zyrtar, më 29.04.2026, zyrtarët policorë të Njësisë për Realizimin e Urdhëresave në kuadër të Stacionit Policor në Prizren, pas veprimeve operative-hetimore dhe në bazë të një plani taktik-operativ, kanë arritur ta lokalizojnë dhe arrestojnë të dyshuarin N. R.
I njëjti ka qenë në kërkim, pasi ndaj tij ishte shqiptuar dënimi prej një viti burg efektiv me vendim të plotfuqishëm të Gjykatës Themelore në Prizren, për veprën penale “vjedhje e rëndë në tentativë”.
Pas arrestimit, N. R. është dërguar fillimisht në Stacionin Policor në Prizren, ndërsa më pas është transferuar në institucionin korrektues për vuajtjen e dënimit të shqiptuar.
