Hetuesit e Stacionit Policor të Obiliqit, pas një pune intensive, kanë arritur të identifikojnë dhe arrestojnë katër persona të dyshuar, prej të cilëve tre janë të mitur, të përfshirë në vjedhje të rënda.
Sipas njoftimit të Policisë, personat e arrestuar dyshohet se janë përfshirë në të paktën tri raste vjedhjesh të rënda gjatë muajit janar 2025, në shtëpi private dhe lokale në zonën e Obiliqit.
“Pas përfundimit të procedurave policore, me vendim të prokurorit të shtetit, personat e dyshuar janë dërguar në qendrën e mbajtjes,” thuhet në njoftim.
Hetuesit e stacionit të Obiliqit po punojnë në koordinim me stacionet e tjera policore, pasi ekziston dyshimi se të njëjtit persona mund të jenë të përfshirë edhe në raste të tjera kriminale.
