Mbrojtësi Arlind Ajeti do ti mungoj Kombëtares së Shqipërisë në ndeshjen kundër Letonisë në kuadër të kualifikimeve për Botërorin 2026.
Ajeti nuk do të luaj për shkak të lëndimit dhe kjo është konfirmuar edhe nga Federata Shqiptare e Futbollit (FSHF) me anë të një njoftimi.
Në stërvitjen e fundit të Shqipërisë, të zhvilluar të hënën në Riga, Ajeti ka stërvitur i diferencuar por nuk ka arritur të rikuperohet në kohë dhe për këtë arsye nuk do të jetë në dispozicion të selektorit Sylvinho.
Ajeti luajti gjatë tërë ndeshjes kundër Serbisë që përfundoi pa gola para disa ditësh në Tiranë dhe pritet të zëvendësohet nga Ardian Ismajli ndaj Letonisë.
Krahas Ajetit, te Shqipëria mungon edhe kapiteni Berat Gjimshiti për shkak se është i suspenduar.
Ndeshja Letoni – Shqipëri, i takon Grupit K kualifikues dhe luhet sot prej orës 20:45 në “Skonto Stadium” në Riga.
