E ardhmja e Ardian Ismajlit duket se nuk është në kampionatin italian.
Bëhet e ditur se gjasat janë të mëdha që Ismajli të transferohet në Turqi, pasi skuadra e Beshiktashit ka shprehur interesim për shërbimet e tij.
Në fakt, Beshiktashi po vlerësohet favorit për transferimin e Ismajlit pasi mbrojtësit 28-vjeçar i ka ofruar kontratë katërvjeçare.
Ismajli këtë verë do të jetë futbollist i lirë pasi në fund të këtij muaji i skadon kontrata me Empolin.
Ai është grumbulluar me Kombëtaren e Shqipërisë për ndeshjet kundër Serbisë dhe Letonisë në kuadër të kualifikimeve për Botërorin 2026.
Ismajli prej vitit 2021 është pjesë e Empolit kur iu bashkua nga Spezia, ndërsa në sezonin e fundit ka regjistruar 29 paraqitje në Serie A.
Aktualisht, pjesë e Beshiktashit janë edhe Ernest Muçi e Milot Rashica.
