Ansambli i Këngëve dhe Valleve “Shota” ka promovuar sot albumin e parë të këngëve popullore, në kuadër të aktiviteteve për shënimin e 15-vjetorit të Pavarësisë së Kosovës.
Sipas njoftimit, thuhet se këngët janë të interpretuara nga solistë të ndryshëm me përdorimin e instrumenteve tradicionale.
“Të interpretuara nga solistë të ndryshëm, këngët kontribuojnë në ringjalljen e folklorit si një segment i rëndësishëm kulturor si dhe ndihmojnë që përdorimi i instrumenteve tradicionale akustike të përcillet nga brezi në brez”, thuhet në njoftimin e Ministrisë së Kulturës.
Bëhet e ditur se në album janë të përfshirë këngëtarë të ansamblit dhe bashkëpunëtorë të tij, si Majlinda Cikaqi, Violetë Kukaj, Liridon Sadriu, Edi Furra, Hysni Klinaku, Granit Musliu, Riza Bytyçi, Mirvete Bajrami, Zana Abazi, si dhe incizimi i fundit i këngëtarit të ndjerë, Ismet Bogujevci./teve1.info./
