Andi Zeqiri ka tërhequr interesimin e Borussia Mönchengladbach, me klubin gjerman që ka pyetur për situatën e kontratës së sulmuesit shqiptar dhe po shqyrton kushtet e një transferimi të mundshëm.
25-vjeçari, aktualisht i huazuar te Standard Liège nga Genku, ka treguar formë të mirë këtë sezon në Ligën Belge Jupiler Pro, ku ka shënuar 9 gola dhe ka dhënë 3 asiste në 25 ndeshje.
Zeqiri, i cili në sezonin 2021/22 kishte luajtur për Augsburg në Bundesligë, ka përvojë të mëparshme në Gjermani dhe shihet si një përforcim potencial.
Vlera e tij në treg, sipas Transfermarkt, është 4 milionë euro, dhe ai është një nga kandidatët kryesor për vijën e fundit të sulmit.
Lëndimi i tij i fundit, i cili e mbajti jashtë fushës javët e fundit në Belgjikë, nuk pritet të ndikojë negativisht në interesimin e klubit gjerman për shërbimet e tij
Megjithatë, negociatat ndodhen ende në fazat fillestare dhe pritet të zhvillohen më tej pas përfundimit të sezonit.
