Partia Demokratike e Kosovës po vlerësohet si fajtore që të dielën nuk u konstitua Kuvendit, pasi kjo parti nuk e votoi të propozuarin e Vetëvendosjes për kryetar të Kuvendit, Dimal Bashën.
PDK po akuzohet se shkeli fjalën e dhënë pasi kishte deklaruar se do të votojë secilin të propozuar nga VV-ja që nuk ka qenë pjesë e kabinetit të Qeverisë Kurti2.
Një parti politike serioze në këtë rast PDK duhet mi mbajt premtimet cilido që është. Është thënë se kanë me votua secilin deputet.
Naim Jakaj nga Instituti i Kosovës për Drejtësi, ka thënë se për dështimin e seancës të dielën fajtore është PDK-ja.
Ai në emisionin “Mesditë” në Tëvë1 ka thënë se një parti serioze duhet mbajtur premtimin e dhënë.
“Formalisht PDK-ja është përgjegjëse për moskonstituimin e djeshëm të Kuvendit, për ditën e nesërme do të jetë Vetëvendosje nëse nuk propozon ndonjë deputet nga radhët e saj”, ka thënë Jakaj.
Edhe politologu Dorajet Imeri, ka thënë se PDK nuk e mbajti fjalën e dhënë, ndërsa ka vlerësuar se Vetëvendosje ka vepruar me një rriskë të madh politik kur ka propozuar Dimal Bashën.
“PDK se ka mbajt fjalën publike, sepse kur e kanë dhënë fjalën nuk kanë thënë se do ta votojmë çdo kë vetëm nëse kemi 10 minuta konsultim dhe e dyta VV ka vepruar me një rriskë të madh politik, sepse brenda VV-së janë shumë deputetë që mund të jenë përfaqësues më të mirë edhe për Vetëvendosjen”, ka thënë Imeri.
Kryetari i PDK-së, Memli Krasniqi ka thënë se kërkuan 10 minuta konsultime pas propozimit të Bashës, por siç ka thënë ai kjo nuk u mundësua nga kryesuesi i seancës, Avni Dehari.
Krasniqi: Nuk na u dhanë 10 minuta konsultime, ndoshta Bashën do ta kishim kryetar Kuvendi
