Kryetari i Partisë Demokratike të Kosovës, Memli Krasniqi ka thënë se kanë kërkuar konsultim me shefat e grupeve parlamentare, pas propozimit të Dimal Bashës për kreyparlamentar, por ka thënë se kjo nuk u pranua nga kryesuesi i seancës, Avni Dehari.
Krasniqi ka thënë se nuk e kanë obligim për të votuar asnjë kandidat të VV-së, por kanë shprehur gatishmëri për të dalë nga kjo situatë.
“Një minimum të vlerësimit të votës tonë, një 10 minutash konsultime dhe ndoshta do ta kishim kryetar të Kuvendit, Dimal Bashën”, tha ai.
Edhe seanca e së dielës ka përfunduar pa konstituim të Kuvendit, pasi tre të propozuarit e VV-së, Hekuran Murati, Arbërie Nagavci e Dimal Basha nuk morën votat e mjaftueshme./teve1.info/
