Prokuroria Speciale ka ngritur aktakuzë në mungesë kundër dy të pandehurve për veprën penale “Krim i Luftës kundër popullsisë civile”.
Në njoftim bëhet e ditur se J. J dhe V.T akuzohen për krime lufte gjatë periudhës 1998-1999 në fshatin Kaçanik i Vjetër, në komunën e Kaçanikut.
“Sipas aktakuzës, të pandehurit në bashkëkryerje me pjesëtarë të tjerë të forcave policore dhe ushtarake serbe, kanë kryer vrasjen e dy viktimave R.E dhe M.H. Hetimet vërtetuan se gjatë kësaj periudhe J.J dhe V.T kanë rrahur, kanë shkaktuar maltretime fizike dhe psikike, dhe kanë plaçkitur pasurinë e luajtshme të të dëmtuarit Sh. D dhe viktimave, tani të ndjerëve M.H dhe R. E”, theksohet në njoftim.
Prokuroria Speciale, thuhet se i ka propozuar Gjykatës Themelore në Prishtinë që të mbajë gjykimin në mungesë për shkak se të pandehurit J.J dhe V.T janë të paarritshëm për organet e drejtësisë./teve1.info/
