Një aksident ka ndodhur sot në 29 prill në aksin Tepelenë-Krahës në afërsi të fshatit Iliras.
Dy automjete janë përplasur me njëri-tjetrin, ndërsa qarkullonin në anë të kundërt, raporton gazetarja e Klan News, Dorina Muhaj.
Në këtë aksident janë lënduar gjithsej tetë persona, të cilët kanë qenë në automjetet e përfshira në ngjarje.
Policia Rrugore ka shkuar në vendngjarje dhe po heton shkaqet e aksidentit.
Personat e lënduar janë transportuar në Spitalin e Gjirokastrës dhe ndodhen jashtë rrezikut për jetën./TopChannel
