Akil Gjakova do të luftojë për medalje të bronztë në Kampionatin Evropian të xhudos, që po mbahet në Tbilisi të Gjeorgjisë.
Në çerekfinale xhudisti kosovar, pësoi humbje me Ippon nga Lasha Shavdatuashvili i Gjeorgjisë. Deri në këtë sfidë ai i kishte mposhtur dy rivalë.
Akili ishte i lirë ne xhiron e parë, në xhiron e dytë e mposhti me Ippon, Samuel Gassnerin nga Austria, ndërsa në duelin e radhës ai triumfoi sërish me Ippon, ndaj Benjamin Levyt nga Britania e Madhe.
Në repasazh, Akil Gjakova do të ndeshet me Adil Osmanov nga Moldavia.
