Menjëherë pasi mori edhe një mandat katër vjeçar në krye të Federatës së Futbollit të Kosovës, Agim Admei ka falënderuar delegatët për prezencën e tyte dhe besimin e dhënë për të.
Ai tha se ky besim për një detyrë dhe obligim i jashtëzakonshëm për të dhe se do të punojë shumë për të mirën e futbollit kosovar.
“Vota juaj është përgjegjësi për mua dhe sigurisht që iu falenderoj ju që keni ardhur dhe e mundësuat edhe një mandat. Është një obligim dhe unë nuk e marr për privilegj shumë por e marr falënderim për besim por e marr edhe si obligim jashtëzakonisht të madh, por këtë obligim nuk mund ta kryejë pa ju, prandaj ju dua afër për çdo aspekt. Punën do ta bëjmë bashkarisht me Komitetin Ekzekutiv dhe me ju.”.
Më pas ai foli edhe për ata që nuk u pajtuan me zgjedhjen e tij dhe e bojkotuan kuvendin duke thënë se do të punojë që t’ua kthejë edhe atyre besimin.
“Sigurisht që unë e marr me shumë seriozitet edhe për ata të cilët kanë mendimin ndryshe edhe ata sigurisht do të jenë klubet tona dhe besoj që do t’ua kthejë besimin edhe atyre për një punë dhe për një angazhim të madh për futbollin sepse futbolli është i të gjithëve”, ka thënë Ademi.
Agim Ademi mori 42 vota nga 43 delegatët e pranishëm në Kuvendin Zgjedhor.
