Kryetari i Lidhjes Demokratike të Kosovës, (LDK), Lumir Abdixhiku, ka takuar artisten Renea Morina, e cila për t’i dalë në ndihmë nënës së saj vetushqyese, nisi të pikturoj xhama.
Renea ka zbukuruar edhe zyrat e partisë së Abdixhikut.
“Renea përveç se ishte një vajzë e mrekullueshme dhe e sjellshme, kishte dhe talent të paparë. U kënaqëm me Erën e Rozin teksa shihnim se si vijat e tyre të bardha, shpejtë u shndërruan në panoramë fundviti të cilën do ta shohim çdo ditë këto ditë”, ka thënë Abdixhiku.
“Së bashku me Jehonën, këtë vikend, Renean dhe nënën e saj Rajmondën, e ftuam në LDK. E ftuam jo vetëm për t’i zbukuruar zyret tona, por për t’i dhënë kësaj artisteje të re sa më shumë zë e shtytje në ndjekjen e ëndrrave të bukura që i ka përpara.”
Abdixhiku ka bërë thirrje që Renea të përkrahet.
“Shpërndajeni. Le ta përkrahim këtë artiste të re në rrugëtimin magjik që i ka vënë vetes përpara. Atë mund ta kontaktoni në llogarinë e saj në instagram: renea.artist”, ka shkruar ai.
