Kështu deklaroi ajo në emisionin “Info Nata” në Tëvë1.
“Për mua është shumë shqetësuese që SHBA-ja nuk është direkt e lidhur në çështjen e marrëveshjes finale. Po ashtu, shqetësuese ishte edhe deklarimi i Escobarit që SHBA-ja nuk do të jetë pjesëmarrëse direkte, në kohën kur ne është dashur që të bëjmë të pamundurën që të bëjmë një plan të përbashkët rreth marrëveshjes finale”, tha Tërmkolli.
Sipas saj, po shihet një afrim i madh i Serbisë me SHBA-në.
“Fatkeqësia më e madhe për ne dhe të tjerët, po shihet një afrim bukur i madh i Serbisë me SHBA-në. Krejt këtë kohë kur ne me gabimet tona kemi bërë një lloj largimi me SHBA-në, në të njëjtën kohë Serbia ka punuar të ketë lidhje më të fuqishme me Amerikën”, ka deklaruar Tërmkolli. /Teve1.info/
