Kjo sipas tij, me fajin e Qeverisë së Kosovës e cila ka një kryeministër që nuk i intereson mirëqenia e as kontributi i tyre historik.
“Sot, si asnjëherë më parë, mësimdhënësit kosovarë kanë një Qeveri aspak miqësore e empatike me ta dhe një Kryeministër të cilit nuk i intereson mirëqenia e as kontributi i tyre historik. Mësimdhënia është akti më i lartë i optimizmit. Kjo Qeveri, me ose pa vetëdije, po e vret atë, duke rrënjosur pesimizmin e dëshpërimin në zemrat e mësimdhënësve dhe nxënësve”, ka shkruar Krasniqi në Facebook.
Ai i ka bërë thirrje Qeverisë që të ekzekutoj pagat për muajin shtator dhe sa më parë Ligji për Paga të dërgohet në Kuvend.
“Ftoj Qeverinë edhe një herë që, përveç ekzekutimit të pagave të shtatorit për mësimdhënësit, sa më parë të sjellë në Kuvend Ligjin për Pagat, sepse mësuesit tanë meritojnë një trajtim dinjitoz”, është shprehur ai, duke uruar mësimdhënësit për ditën e tyre.
Qeveria e Kosovës ka paralajmëruar se nuk do të ketë paga për mësimdhënësit të cilët gjatë muajit shtator ishin në grevë./teve1.info/
