Kryeministri i Kosovës, Albin Kurti, ka bërë të ditur se Asociacioni i Komunave me Shumicë Serbe nuk ka qenë temë e takimit të 18 gushtit.
Ai tha se Brukseli ka sjellë agjendë paraprake, ku shtoi se ai ka propozuar një kapitull për marrëveshjet e deritanishme.
“Është e vërtetë që atë e përmend presidenti i Serbisë, por s’ka qenë ajo pikë e diskutimit në dialogun në Bruksel”, është shprehur Kurti, pas mbledhjes së Qeverisë.
Ai tha marrëveshjet e deritanishme duhet shqyrtuar se çka është e kotë e çka është zbatuar deri më tani.
Kurti theksoi se në Bruksel ka shkuar me propozime konkrete, teksa ka shtuar se ai në takim ka propozuar një ide me gjashtë kapituj dhe elemente përkatëse, e që sipas tij ai që propozon ide është ndihmues, kreativ.
“Marrëveshja duhet të jetë ndërkombëtarisht, ligjërisht e obgilugeshme duhet të jetë marrëveshje finale, duhet të jetë marrëveshje për normalizim të plotë të marrëdhënieve bilaterale ndërmjet Kosovës dhe Serbisë e cila në qendër duhet ta ketë njohjen reciproke, unë kam shkuar me propozime konkrete së pari në pikën fillestare dhe kryesore që është korniza gjithëpërfshirëse e marrëveshjes për normalizimin e marrëdhënieve unë kam prezantuar një ide me gjashtë kapituj e me elemente përkatëse se si do të duhej të duket ajo kornizë e përgjithshme e marrëveshjes me elemente përkatëse, pra unë kam propozuar kontrektishtë, tash ai që propozon konkretisht është konstruktivë, është ndihmues, kreativ dhe ky kam qenë unë në takimin e 18 gushtit”, tha Kurti.
Kryeministri Kurti tutje tha se Beogradi ka kërkuar që takimi të shtyhet për një muaj e sipas tij pas një muaji pala serbe nuk kanë sjellur ide konkrete.
“Mos harroni që takimi i 18 gushtit është dashur të mbahej me 19 korrik unë kam qenë i gatshëm, në muajin korrik më është thënë që takimi do të jetë më 19 korrik unë kamë qenë i gatshëm por Beogradi ka kërkuar shtyrje për një muaj, dhe kur ka ardhur pas një muaji nuk ka sjellur ide konkrete, unë kam sjellur ide konkrete”, u shpreh ai.
Kurti tha se teksti e përmbajtja e marrëveshjes për personat e zhdukur me dhunë është dakorduar por sipas tij Beogradi ka refuzuar ta nëshkruaj atë.
“Teksti dhe përmbajtja e një marrëveshje tashmë është dakorduar, marrëveshja për personat e zhdukur me dhunë është dakoruar por Beogradi ka refuzuar ta nëshkruar atë”, shtoi ai.
Kryeministri Kurti më tej tha se ai është i interesuar për një marrëveshje me Serbinë dhe sa për atë ajo do të nëshkruhej më 18 gusht.
“Unë jam i interesuar për marrëveshje dhe sa për mua, marrëveshja do të nënshkruhej më 18 gusht”, tha ai./teve1.info
