Kamberi në emisionin “Info Nata” në Tëvë1, ka thënë se nuk është optimist sa i përket çështjes së marrëveshjes përfundimtare.
“Nuk më duket që ka shumë edhe interesim edhe narracion edhe njëfarë lloj diskursi i cili po e shpien njëfarë lloj vullneti për një marrëveshje përfundimtare, së paku me këto qeveri aktuale që po ekzistojnë në Serbi apo në Kosovë”, tha ai.
Sipas tij, ka mungesë të vullnetit politik në çështjen e dialogut.
“Dialogu po shihet që po ngec jashtëzakonisht shumë me gjithë marrëveshjen e fundit për çështjen e energjisë në veri dhe ato marrëveshjet për tema të caktuara që po paralajmërohen por në anën tjetër nuk duket që ka shumë vullnet politik. Nuk jam shumë optimist kur i përket çështjes së marrëveshjes përfundimtare duke parë parasysh këtë mendësi politike dhe këtë mungesë të vullnetit politik”, theksoi Kamberi. /teve1.info/
