Bashkimi ka shënuar fitoren e dytë brenda kësaj jave ndaj Trepçës, duke triumfuar me rezultat 82-76 në superndeshjen e së shtunës në Superligën e basketbollit.
Skuadra prizrenase arriti kështu të përsërisë suksesin e së martës në Superkupë, kur po ashtu kishte mposhtur Trepçën.
Lojtari më i dalluar i ndeshjes ishte JaJuan Johnson, i cili kontribuoi me 13 pikë dhe 6 kërcime.
Me këtë fitore, Bashkimi mbetet në krye të tabelës me 9 pikë, ndërsa Trepça renditet në vendin e katërt me 4 pikë.
