Disa njerëz raportohet se e kanë humbur jetën në një zjarr që ka shpërthyer të martën në një kantier ndërtimi në Bruksel.
Ndërsa, sipas autoriteteve, kërkimet për gjashtë persona të zhdukur ende po vazhdojnë.
Një numër i papërcaktuar trupash u gjetën në njërin prej dy ashensorëve të projektit të madh të rinovimit në sheshin qendror “Place de Brouckere”, ku zjarri shpërtheu herët të martën, tha një zëdhënës i inspektoratit të punës në kryeqytetin belg.
Ai shtoi se ende nuk është e qartë nëse trupat e gjetur u përkasin të gjashtë punëtorëve të raportuar si të zhdukur, raporton Reuters.
Brigada e zjarrfikësve bëri të ditur se në çastin e shpërthimit të zjarrit në kantier ndodheshin më shumë se 200 punëtorë, derisa tre persona janë dërguar në spital.
