Dy biznese që operojnë në fushën e këmimoreve dhe kriptovalutave janë mbyllur të premten, nga Inspektorati Qendror i Mbikëqyrjes së Tregut (IQMT), në bashkëpunim me Administratën Tatimore të Kosovës (ATK).
Ato, sipas një njoftimi nga Ministria e Industrisë, Ndërmarrësisë dhe Tregtisë, nuk posedonin dokumentacionin e nevojshëm për zhvillimin e aktiviteteve të këtilla.
MINTI bëri me dije se pos këtyre dy bizneseve, u inspektuan edhe 12 tjera.
Dy tjera janë gjobitur për mosrespektim të orarit të punës.
IQMT thekson se operatorët ekonomikë të këtij sektori janë të obliguar të sigurojnë pëlqimin për kushtet minimale teknike nga Ministria (MINT), si dhe licencën përkatëse nga Banka Qendrore e Republikës së Kosovës (BQK), në përputhje me legjislacionin në fuqi.
Inspektorati ka bërë të ditur se do të vazhdojë zbatimin e planit operacional, me synim garantimin e respektimit të ligjit dhe funksionimin e një tregu të rregullt, transparent dhe të sigurt, edhe në këto fusha të biznesit.
