Policia e Kosovës ka realizuar të enjten ekstradimin e një personi të kërkuar me letër-rreshtim ndërkombëtar nga autoritetet suedeze.
Sipas njoftimit të Policisë, bëhet fjalë për shtetasin e Kosovës dhe Suedisë me inicialet E.K., i cili ishte arrestuar në Kosovë pas një letër-rreshtimi të lëshuar nga INTERPOL-i, me kërkesë të institucioneve të drejtësisë së Suedisë.
Ai kërkohej nga autoritetet suedeze nën dyshimin për veprën penale “Trafikim me narkotikë”.
Policia bëri të ditur se ekstradimi u realizua nga Drejtoria për Bashkëpunim Ndërkombëtar Policor, në koordinim me njësitë relevante të Policisë së Kosovës dhe institucionet e drejtësisë.
Sipas njoftimit, procedura e ekstradimit është zhvilluar në përputhje me legjislacionin në fuqi dhe në kuadër të bashkëpunimit ndërmjet institucioneve të Republikës së Kosovës dhe autoriteteve të Mbretërisë së Suedisë./teve1.info/
