Dy persona, vëllezër mes vete, janë arrestuar në Prishtinë, pasi fillimisht dyshohet se u përfshinë në një përleshje fizike me njëri-tjetrin, e më pas sulmuan edhe zyrtarët policorë.
Sipas raportit të Kosovës, rasti ka ndodhur më 7 korrik 2026, rreth orës 00:08. Gjatë ndërhyrjes së policisë, të dyshuarit nuk iu janë bindur urdhrave të zyrtarëve policorë dhe i kanë sulmuar fizikisht ata.
Si pasojë e incidentit, trajtim mjekësor kanë pranuar si zyrtarët policorë, ashtu edhe dy të dyshuarit.
Me vendim të prokurorit, dy vëllezërit, të cilët ndodheshin në gjendje të dehur, janë dërguar në mbajtje.
Intervistimi i tyre pritet të zhvillohet pasi të këndellen, ndërsa hetimet për rastin janë në vazhdim.
“Prishtinë 07.07.2026-00:08. Janë arrestuar dy të dyshuar (vëllezër), pasi të njëjtit janë hasur duke e sulmuar-grushtuar njëri-tjetrin. Të dyshuarit, në vendin e ngjarjes nuk u janë bindur urdhrave të zyrtarëve policorë dhe i kanë sulmuar e goditur fizikisht edhe zyrtarët policorë. Tretman mjekësor kanë pranuar zyrtarët policorë dhe të dyshuarit. Me vendim të prokurorit, të dyshuarit të cilët ishin në gjendje të dehur, janë dërguar në mbajtje, ndërsa pritet intervistimi i tyre pas këndelljes së tyre. Rasti duke u hetuar”, thuhet në raport./teve1.info/
