Komuna e Prishtinës ka njoftuar se nesër nga ora 08:00 deri në orën 16:00, do të mbyllet përkohësisht për qarkullim rruga “Fehmi Agani”.
Kjo për shkak të zhvillimit të punimeve në kuadër të projektit për instalimin e rrjetit të ri të ndriçimit publik.
“Punimet po realizohen nga operatori ekonomik i angazhuar dhe janë pjesë e investimeve për përmirësimin e infrastrukturës së ndriçimit publik në Kryeqytet”, thuhet në njoftim.
Komuna u ka bërë thirrje qytetarëve që gjatë kësaj periudhe të shfrytëzojnë rrugë alternative dhe të respektojnë sinjalizimin e vendosur në terren.
