Besimtarët mysliman të mërkurën kremtojnë kurban Bajramin.
E siç e do tradita, një ditë më herët, myftiu i Bashkësisë Islame Naim Tërrnava, iu drejtua qytetarëve me mesazhe urimi, për këtë ditë të shenjtë fetare.
“Kurban bajrami lidhet ngushtë me adhurimin më madhështor të haxhit me qëndrimin në Arafat, sot është dita kur miliona besimtarë nga mbarë bota bashkohen në lutje, përulësi dhe kërkim falje para krijuesit në rrafshnaltën e Arafatit qëndrim i cili na mëson barazinë mes njerëzve, pastërtinë dhe nevojën për tu kthyer gjithmonë tek paqja, drejtësia, mëshira e solidariteti”, ka thënë Tërnava.
Tërnava shpjegoi edhe rëndësinë e therjes se kurbanit për bajram.
“Kjo festë bartë në vete edhe simbolikën e kurbanit një akt i lartë bindjeje sakrifice dhe afërsie me zotin e madhërishëm. Kurbani na kujton se njeriu fiton vlerë kur di të ndaj nga vetja për të tjerë, kur ndihmon nevojtarin, kur afron zemrat dhe forcon solidaritetin mes njerëzve”, u shpreh tutje Tërnava.
Meqë kjo festë vendin e gjenë në një proces zgjedhore, kryemami pati një mesazh edhe për kastën politike në vend.
“Ndaj, iu bëjë thirrje të gjitha forcave politike në vend që fushatën ta zhvillojnë me dinjitet, maturi dhe respekt larg gjuhës së urrejtjes dhe përçarjes le të garohet me ide dhe vizion dhe përgjegjësi ndaj atdheut sepse sovrani është qytetari dhe vullneti i tij duhet të respektohet mbi çdo interes politik pavarësisht rezultatit Kosova ka nevojë për unitet, bashkëpunim dhe institucione të forta t’iu shërbejnë popullit dhe të mbrojnë të ardhmen e vendit tonë”, theksoj Tërnava.
Namazi i bajramit do të falet në orën 05:40.
