Në fushatë premtojnë se do jenë zë i qytetarëve.
Por më të fituar mandatin, praktika e thotë se deputetët e Kuvendit të Kosovës, nuk i kalojnë vijat partiake.
E kjo po konsiderohet e padrejte nga monitoruesit e punës së Kuvendit.
Melos Kolshi nga Instituti i Kosovës për Drejtësi, thotë se mandatin e lirë, deputetët e kanë të garantuar edhe me kushtetutë.
“Partitë politike nuk munden që ta detyroj deputetin në mënyrë që i shkon përshtati një drejtimi të caktuar të subjektit politik, kështu që deputeti e ka pavarësinë e plot të vendos në lidhje me votën e tij se çfarë mendon se është e drejtë, por praktika që kemi parë shpeshherë është që një deputet fletë në emër të gjithë grupit parlamentar”, vlerëson ai.
E analistët thotë se kjo konsiderohet si shkelje e besimit të qytetarëve.
“Tani kjo është pastër papërgjegjësi, në momentin kur qytetarët votojnë për kadidantin për deputet dhe ky kandidat ndjek vetëm vijën e partisë, automatikisht ka shkelje të besimit në raport me qytetarin, pavarësisht se do të duhej të kishte integritet dhe të gjykonte racionalist për veprimet dhe jo ta ndjek masën dhe grupin”, thotë Albinot Maloku-politolog.
Por, pse brenda organit legjislativ, vazhdon të ndodh ky fenomen?
“Subjekti politik mundet mandej ta sanksionoj atë deputet, jo në atë mandat por në mandatin tjetër të mos e vendos në listë sikurse ka ndodhur shpesh”, shprehet Kolshi.
Ndryshe, edhe neni 70 i Kushtetutës së Kosovës, e thekson se deputete e Kuvendit të Kosovës janë përfaqësues të popullit dhe nuk i nënshtrohen asnjë mandati detyrues.
