Aktualisht ushtron detyrën e kreut të shtetit.
Por Albulena Haxhiu, njëherësh edhe kryetare e kuvendit, i ka hyrë garës zgjedhore për deputete, në zgjedhjet 7 qershorit.
E konstituimi i legjislaturës se re, mund ta fus vendin në një tjetër paqartësi kushtetuese, meqë nuk është e përcaktuar se kush do ta udhëheqë presidencën në këtë kohë.
“Në fakt këtu gjendemi në një situatë absurde për faktin se legjialacioni në fuqi nuk e ka përcaktuar qartë këtë lloj procedure në rast s’ndodhemi në nj situatë të tillë, prandaj vlerësoj se kemi një vakum ligjor dhe kemi zbrazti kushtetuese dhe ligjore në menaxhimin e kësaj situate”, ka thënë Bugaqku.
Madje vlerësohet se presidenca mund të mbetet edhe pa zot shpije, në rast se një skenar i ngjashëm me legjislaturën e 9 mund të përsëritet.
“Ne shumë lehtë mund të ndodhemi që për një periudhë të shkurtër nëse nuk zgjedhet kryetari i kuvendit, pozita mund të mbetet vakante, sepse kjo mund të ndodh në ato situata kur ish-kryetarja e kuvendit, çka nëse nuk zgjedhet deputetet, prandaj kjo e bënë të paqartë”, ka thënë tutje Bugaqku.
Kësisoj mandati i Haxhiut në presidencë, mund të përfundoj edhe më herët se që parashihet me kushtetutë, nëse e njëjta nuk zgjedhet përsëri kryetare e kuvendit.
“Logjikisht dhe me kushtetutë në momentin kur zgjedhet kryetari i legjislaturës se re te kuvendit, ai automatikisht behet edhe u.d i presidentit pasi edhe kushtetuta thotë që kryetari i kuvendit e merr mandatin e presidentit e jo ish-kryetari si në këtë rast”, u shpreh Kolshi.
Veçse dilema mbetet nëse ushtrimi i funksionit të presidentit nga një tjetër person, kthen afatin 6 mujor nga fillimi, apo vazhdon nga ku ka mbetur, meqë periudha maksimale ku presidenca mund të funksionoj me ushtrues detyre, është 6 muaj.
E sipas disa opinioneve të ekspertëve të kushtetutës, sipas praktikës, pas gjashtë muajve ushtrimi i detyrës së presidentit mund t’i kaloj kryetarit të Gjykatës Kushtetuese.
