Dardan Berisha pjesë e programit TIME-OUT 4.0, organizuar nga FIBA Europe në partneritet me Northumbria University në Mbretërinë e Bashkuar.
Kapiteni i Kombëtares dhe anëtari i Bordit të FBK-së, do të jetë pjesë e këtij programi prestigjioz, që u ofron basketbollistëve elitarë mundësi për zhvillim akademik dhe profesional.
TIME-OUT 4.0 synon t’i pajisë pjesëmarrësit me njohuri dhe aftësi në fushën e menaxhimit, biznesit dhe lidershipit, duke krijuar mundësi të reja karriere brenda dhe jashtë sportit.
Më herët, në këtë program kanë diplomuar edhe Sekretarja e Përgjithshme e FBK-së, Elvira Dushku, Drejtori i Programeve dhe Projekteve Zhvillimore, Granit Rugova, Drejtoresha e Eventeve dhe Basketbollit 3×3, Artina Hasani, si dhe ish-basketbollisti Fisnik Juniku.
