Fati që iu urohet në hyrje, s’i përcolli minatorët që të mërkurën qenë në ndërrimin e natës.
18 minatorë mbetën të ngujuar në nëntokën e Trepçës deri në mesditën e së enjtes.
Shkak u bë rryma, ngase një trafo u përfshi nga flakët, duke e lënë gjigantin metalurgjik në terr.
“Ka ndodhur një zjarr mbrëmë rreth orës 1:00 dhe ka ardhur tek dëmtimi i trafos, është djegur trafoja, kanë ardhur zjarrfikësit por për shkak të zjarrit të madh ka dëmtuar edhe një trafo që është rezervë”, tha Shpëtim Dobra, kryesues i Bordit Mbikëqyrës të Trepçës.
Për orë të tëra, ekipet e mirëmbajtjes qenë të angazhuara për ta sanuar problemin.
Dikur, zgjidhja u bë e minatorët, pas 15 orësh qëndrimi brenda, arritën të dalin në sipërfaqe.
Të rraskapitur nga lodhja, disave iu desh t’u jepej edhe ndihma mjekësore.
Por, sado e lodhshme, për një minator kjo qe vetëm pjesë e punës.
“Ka ndodh disa herë por nuk është diçka tragjike apo rrezik për neve, por derisa të dalim normal që bëhet panik”, tha Bajram Rrahmani- minator.
Gjatë gjithë kohës, ekipet mjekësore dhe ato të emergjencës qëndruan pranë minierës, në rast se ndonjërit nga minatorët mund t’i përkeqësohej gjendja.
Në ndërrimin e natës të së mërkurës, bashkë me 18 minatorët qenë edhe 27 të tjerë, por që përmes rrugëve emergjente arritën të dalin jashtë.
“E kemi daljen emergjente,a ta që kanë qenë me shëndet të mirë kanë dal të gjithë, një pjesë e tyre janë të obliguar të qëndrojnë për shkak se janë kujdestar, deri te vie rryma duhet qëndruar”, u shpreh Shqyri Sdiku-drejtor i minierës “Trepça”.
Vese për këtë, iu desh të bënin by rrugë shkallëve, për të dal nga një thellësi prej mbi 700 metrash.
Në vizitë në Trepçë ishte edhe ministrja në detyrë e Ekonomisë, Artane Rizvanolli, e cila përmendi edhe investimet që do të bëhen në minierë.
“Sa i përket gjendjes në teren sigurisht që ka vëstirësi teknike dhe ekipet janë duke parë mundësinë që sa i përket energjisë elektrike të bëhet edhe një linjë rezervë”, tha ajo.
Rasti i djegies së trafos po hetohet edhe nga policia për të parë se çfarë ishte shkaktari.
