Ministri i Financave, Hekuran Murati ka deklaruar se deputetët e opozitës janë të vetmit që po e shkelin Kushtetutën e Kosovës, duke mos marrë pjesë në seancën për zgjedhjen e presidentit dhe duke bllokuar procesin institucional.
“Të vetmit që po e shkelin Kushtetutën janë deputetët e opozitës që nuk po marrin pjesë në seancën e zgjidhjes së Presidentit.
Kërkuan që një subjekt politik të mos i ketë të tri pozitat e larta shtetërore.
Ua ofruam Kryetarin e Kuvendit, nuk e pranuan.
Ua ofruam që t’i sjellin 3 propozime konsensuale, nuk e sollën asnjë emër.
Propozuam znj. Feride Rushiti, një profesioniste e shquar dhe e vlerësuar ndërkombëtarisht, e cila do t’i bënte nder vendit si Presidente, dhe opozita përsëri nuk merr pjesë.
Pse me çdo kusht opozita po dëshiron ta dërgojë përsëri vendin në zgjedhje?”, ka thënë Murati./teve1.info/
