Kompania Rajonale e Ujësjellësit “Prishtina” ka bërë thirrje për të gjithë konsumatorët që kanë borxhe të papaguara për shërbimet e ujësjellësit dhe kanalizimit që t’i shlyejnë ato në afat sa më të shkurtër.
Në një njoftim zyrtar, kompania ka theksuar se moskryerja e obligimeve financiare do të pasohet me masa ndëshkuese, përfshirë ndërprerjen e furnizimit me ujë dhe inicimin e procedurave përmbarimore.
Sipas KRU “Prishtina”, masa e shkyçjes do të zbatohet për konsumatorët që kanë dy ose më shumë fatura të papaguara.
“Të gjithë konsumatorët që kanë borxhe të papaguara për shërbimet e ujësjellësit dhe kanalizimit janë të obliguar që t’i shlyejnë ato në afat sa më të shkurtër. Për konsumatorët që nuk i kryejnë obligimet financiare, do të aplikohen masa ndëshkuese, përfshirë:Shkyçjen nga rrjeti i ujësjellësit, Procedura përmbarimore.Shkyçja mund të aplikohet për ata që kanë dy ose më shumë fatura të papaguara”, thuhet në njoftim./teve1.info/
