20 marsin e vitit 1990 e ka të freskët.
Ajet Deliu nga Podujeva në atë kohë ishte nxënës i shkollës së mesme.
Atë ditë, forcat serbe vendosën kimikate helmuese, na hapësirat e shkollës ku Deliu me bashkëmoshatarë mësonin.
“Sapo erdha në shkollë shkova në një klasë tek një koleg ta pyes dicka kur hyra në klasë e pash klasën e boshatisur mbi tokë shkonte një pluhur rreth 10 centimetra nuk e dija se çfarë është por menjëherë filluan djegie e syve, e fytit, filluan marramendje kur dola në dritare të shkollës pash tmerr me sy, nxënësit bini pa ndjenja”, tregon ai.
E helmi që u përdor sipas Deliut ishte helm i rrallë.
“Është përdorur një helm i njohur si sarinë, këtë helm e ka poseduar vetëm armata jugosllave. Thuhet që në janarin e vitit 1990 në një kazermë afër Bihaqit në Bosnje janë vjedhur 3 mijë kilogramë helm e ai është përdorur kundër nesh”, shprehet Deliu.
Në mbrojtje të nxënësve e të profesorëve të Podujevës dolën “Garda Civile”, ata që sot njihen si “Rojet e Kohës”.
“Në atë moment u aktivizua “Garda Civile” në atë kohë ishte në sigurim të shkollave, për mbarëvajtjen e arsimit. Morën një aksion të gjerë kundër serbëve të cilët na helmuan, neve na nisën për në spitale. Shkuam në Spitalin e Prishtinës, ndonëse rrugët ishin të mbyllura por ata të cilët na dërguan gjenin rrugë alternative”, thotë ish-nxënësi Deliu.
Kjo shoqatë më krye, Shaip Tërnaven, sipas Deliut, shpëtoi nxënësit dhe profesorët nga ajo tragjedi.
Në Podujevë në marsin e vitit 1990, u helmuan mbi 3 mijë nxënës e profesorë.
