Kryetarja e Kuvendit, Albulena Haxhiu ka uruar 7 Marsin – Ditën e Mësuesit, duke iu shprehur mirënjohje të gjithë mësimdhënësve për misionin e tyre fisnik të dhënies së dijes.
Kryeparlamentarja ka theksuar se në duart e tyre fillon rruga e çdo fëmije drejt dijes, qytetarisë dhe së ardhmes së vendit.
“Sot, më 7 mars, Ditën e Mësuesit, shpreh mirënjohjen time për të gjithë mësimdhënësit që çdo ditë e mbajnë gjallë misionin fisnik të dhënies së dijes. Në duart e tyre fillon rruga e çdo fëmije drejt dijes, qytetarisë dhe së ardhmes së vendit. Me përkushtimin e tyre të përditshëm, mësuesit formojnë brezat që do ta zhvillojnë Republikën tonë. Urime 7 marsi!”, shkroi ajo./teve1.info/
