Policia e Kosovës ka kërkuar ndihmën e qytetarëve për identifikimin e tre personave të cilat dyshohen për përfshirje në veprat penale “Sulm” dhe “prezantim i rrejshëm si person zyrtar”.
Në kërkesën për ndihëm Policia ka bashkëngjitur një fotografi ku shihen të dyshuarit.
“Sektori i Hetimeve të Kryeqytetit, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e personave që shihen në fotografi”, thuhet në kërkesën e Policisë.
Për çdo informatë që mund të çojë në identifikimin e tyre, Policia ka lutur qytetarët që ta kontaktojnë në numrin e telefonit: 192 ose përmes emailit: [email protected].
