Ylli brazilian i futbollit, Neymar, i cili aktualisht vazhdon karrierën e tij te Santos, ka bërë deklarata interesante gjatë një programi televiziv, ku ka folur edhe për talentin e Arda Güler.
33-vjeçari, duke shprehur admirimin e tij për futbollistin që aktivizohet te Real Madrid, nuk i kurseu fjalët e mëdha për mesfushorin turk:
“Arda Güler është një lojtar i madh. Ka shumë cilësi. Mendoj se është mesfushori më i mirë në botë,” – u shpreh Neymar.
Këto fjalë nga një prej yjeve më të mëdhenj të futbollit botëror janë një vlerësim i jashtëzakonshëm për Arda Güler, i cili vazhdon të tërheqë vëmendjen me paraqitjet e tij dhe të konsiderohet si një nga talentet më premtuese të gjeneratës së re.
Deklarata e Neymar ka bërë jehonë të madhe në mediat sportive, duke forcuar edhe më shumë reputacionin e Güler si një nga emrat që pritet të dominojnë futbollin botëror në vitet e ardhshme.
